அன்று மேகத் தூறல்
பூமி நனைந்ததும்
தெரியாமல்
வந்துப்போனது....!
மேகத்தின் முழு அனைப்பிற்காய்
காத்திருந்த பூமி
கோபச்சூட்டோடு
புழுதியை தூண்டிவிட்டது....!
அவளும்தான் காத்திருந்தாள்
"செல்லம் தங்கம்" என்றெல்லாம்
அதே கொஞ்சல்களால்
கொண்டாடப்படுவாள்
என.....!
இத்தனை வருடங்களாய்
செல்லமாய் திரிந்த சிட்டு
இன்று யாரும்
கண்டுக்கொள்ளாத
ஒரு வீட்டு ஈ போல்தான்
திரிகிறதோ....!
"இன்னொரு சொந்தம்
வந்ததும் நான்
யாரோவாகிப்போனேனோ...?
வந்தவள் தடுத்திருப்பாள்..."
அவள் மன அலைகள்
அவள் ஏக்கங்களைக்
குடித்து
சிறு திரியில் தீயென
நிருத்தம்
ஆடிக்கொண்டிருந்தது
கடிகார முட்கள்
பன்னிரெண்டு ஐந்தை
முத்தமிட முயற்சிக்கும்
வேளை...!
ஒரு கரம் அந்த சிட்டின்
தலை தடவியது...
"HAPPY BIRTHDAY DA
எங்க வீட்டுச்செல்லம்...!"
வாழ்த்தொலி அவள்
செவியில் விழ
தாய்ப்பால் அருந்தி முடித்த
குழந்தையாய் கண்ணீர்
மறைத்து இதழ் விரித்தாள்...!
"என் செல்லத் தங்கைக்கு
அண்ணனோட பிறந்த நாள்
பரிசு"
பரிசை விலக்கி
முகம் காட்டி சிரித்து
தங்கையவள் பதில்
சிரிப்பை எதிர்பாத்தவனாய்
அண்ணன்....!
"Hey ரொம்ப அழுதிருக்க போல..."
நீ பிறந்த நேரத்திலயே
Wish பண்ணுவம்னு உ
அன்னிதான்பா சொன்னா..."
அண்ணன் சொல்லி
முடிக்கையில்
அன்னியை இறுக
அனைத்துக்கொள்கிறாள்
"Sorry அன்னி...!"
....பிரியசகி....
